Þetta er orðið þreytt!

Mannrán, peningagræðgi og alger óvirðing gagnvart lífi hinna saklausu. Aftur og aftur er maður að heyra um saklausa fréttamenn, friðarstarfsmenn eða jafnvel bara viðskiptafólk sem rænt hefur verið í einhverjum af þessum stríðshrjáðu löndum. Í löndum þar sem saklaust fólk hefur þurft að þola mikið. Tala nú ekki um Afganistan. Það eru engar smá breytingar sem friðarsprengjur bandaríkjamanna gerðu á landslagi þessa lands. Þeir leituðu og leituðu af Bin Laden, með sprengjum. Þeim datt kannski ekkert í hug að sprengjuryk og annarskonar landfræðilegar tilfæringar gerðu lítið gagn í leit af einum MJÖG svo áhrifamiklum manni.

Ég vil kynna fyrir ykkur hugmynd sem ég fékk. Þessi hugmynd er ekki ný, en hingað til hefur það verið kallað "þjóðarmorð í þágu hinna viljugu þjóða." Þessa stefnu kýs ég að kalla RESTART-stefnuna. Við vestrænu vitleysingarnir óðum með byssur, sprengjur og óharðnaða unglinga í stríð. Stríð sem háð var til að "finna rót hins illa." Það er eitt sem enginn vill pæla í, eitt sem tengist málinu mikið, og skiptir miklu máli í almennu samhengi. Það er það að um leið og þú setur heila milljónamanna-þjóð í stríðsástand, ertu að taka í burtu öll höft, öll lög og alla miðstjórn, harðstjórn eða vitleysingastjórn sem áður hélt landinu í gíslingu. Þetta er svona eins og að ýta á RESTART takkann á tölvunni þinni. Eini munurinn er sá að þetta er gömul tölva sem er lengi að kveikja á sér, hún er uppfull af vírusum og það vantar lyklaborð...

Press any key...

Ekki vera hissa þótt "brjálæðingar" í Afganistan taki eitt stykki fréttmann og heimti peninga. Hvað annað hefur þetta fólk að lifa fyrir? Eða frekar, er þetta ekki það ástand sem VIÐ komum þeim í? Morð og skrímslaleg hegðun er ekki eitthvað sem þau bara ákváðu, þetta er afleiðing vöntunar á lögum, reglu og siðum hins venjulega samfélags. Þeirra venjulega samfélags. Því við dæmdum þeirra líf til dauða, þeirra menningu og það sem þau eru. Allt til að yfirfæra okkar "lýðræðisveldi" yfir á fólk sem skilur ekki hvað það er. Og það er ekki illa meint. Þetta er svona eins og reyna setja upp Windows Vista í 10 ára gömlu IBM tölvunni hjá afa þínum. :)

Ef að stríðið væri ekki þarna, væru engir fréttamenn, og það sorglegasta við þetta er að öllum er skítsama um þetta land, en öllum þykir svo gríðarlega vænt um þennan fréttamann og hans líf. Ég skil ekki hvar línan liggur, en við verðum að viðurkenna: "Það liggur einhver lógík bakvið þetta líf, og við erum öll svo miklu mannlegri en við viljum viðurkenna!"

Allt gert til þess að fá ítalskan blaðamann leystan úr haldi